MKURUGENZI MTENDAJI WA HALMASHAURI YA WILAYA YA KIBAHA AZINDUA RASMI ZOEZI LA USAJILI NA KUWAPATIA WATOTO WOTE WENYE UMRI CHINI YA MIAKA MITANO VYETI VYA KUZALIWA

Posted on: December 10th, 2019

Mkurugenzi mtendaji akiwa na wataalam pamoja na baadhi ya viongozi wengine wa Halmashauri ya Wilaya ya Kibaha, amefanya uzinduzi wa zoezi la kuwasajili na kuwapatia vyeti vya kuzaliwa watoto wote wenye umri chini ya miaka mitano. 

Aidha mkurugenzi alieleza kuwa ikiwa ni siku ya nne tu toka zoezi kuanza tayari watoto walioandikishwa na kupatiwa vyeti walishafikia asilimia 44 ya lengo linalotarajiwa la asilimia 100. Alisisitiza kuwa ni lazima watoto wote wanaostahili waandikishwe.

Hata hivyo mkurugenzi pamoja na viongozi wengine waliohudhuria kwa ujumla walisisitiza mambo yafuatayo:-

1. Lazima kila mtoto anayestahili aandikishwe na kupatiwa cheti cha kuzaliwa

2. Zoezi hili ni bure kabisa hivyo asiwepo mtu yeyote atakayelipishwa fedha

3. Mtu yeyote atakayekiuka taratibu za zoezi hili atachukuliwa hatua kwa mujibu wa sheria

4. Wazazi/walezi wahakikishe wanavitunza vyeti vizuri hasa kwa kuweka "lamination" ili viweze kudumu kwa muda mrefu.

5. Kila mzazi/ mlezi akawe balozi wa mwenzake ili watoto wote waandikishwe.

6. Waliwashukuru na kuwapongeza RITA kwa kufanya mapinduzi makubwa katika kuwezesha zoezi la upatikanaji wa vyeti vya kuzaliwa kwa urahisi na kwa wakati.

7. Waliwashukuru pia wadhamini wa zoezi hili wakiwemo UNICEF, kampuni ya Tigo nk.

Hata hivyo Mkurugenzi Mtendaji alimalizia kwa kuwashukuru wazazi na walezi wote walioitikia zoezi hili na akaahidi atasimamia kwa karibu ili kuhakikisha zoezi linakamilika kwa asilimia 100.