Makala awataka Madiwani Kuwa na Taarifa za Miradi ya Maendeleo zinazotekelezwa kwenye kata zao

Posted on: February 14th, 2024

MWENYEKITI wa Halmashauri ya Wilaya ya Kibaha Erasto Makala amesema taarifa zote za miradi inayotekelezwa kwenye Halmashauri hiyo kila Diwani anatakiwa kuwa Nazo Ili kurahisisha ufuatiliaji

Makala ameyasema hayo katika kikao cha Baraza la Madiwani kilichofanyika Februari 14 katika ukumbi wa Halmashauri hiyo na kuhudhuria na Viongozi mbalimbali akiwemo Mkuu wa Wilaya ya Kibaha Nickson Saimon.

Amesema endapo kila Diwani atakuwa na taarifa za miradi itakuwa rahisi kwake kuhoji na kufuatilia utekelezaji wake Ili wananchi wanufaike nao kama ilivyo malengo ya ujenzi wake.

Kadhalika Mwenyekiti huyo aliwaelekeza wataalqmu wa Halmashauri hiyo kuongeza Kasi kwenye ukusanyaji wa mapato ambayo yatasaidia kutekeleza miradi ya Maendeleo na kuondoa Changamoto kwa wananchi.

Alitaka pia wataalqmu hao kufanya kazi zao kwa kuzingatia miongozo Ili kuepuka uzaliwhaji wa hoja za ukaguzi.

Mkurugenzi wa Halmashauri hiyo Regina Bieda alishauri Madiwani kuhamasiaha nguvu za wananchi kwenye utekelezaji wa miradi ya Maendeleo sambamba na kuisimamamia.

Akizungumzia suala la Wananchi waliokuwa wakilima katika eneo la kongani ya viwanda Mkurugenzi huyo alisema waliotakiwa kupewa maeneo mbadala wanafahamika na wataalamu wataendelea na utaratibu Ili waweze kupata sehemu za kuendesha shughuli zao.

Alisema lipo eneo la ekari 1000 lilitolewa na Rais na hivyo wananchi waliokuwa wakilima katika eneo la kongani ya viwanda ambalo ilnamilikiwa na Kampuni ya Kamaka ni miongoni mwa watakaopata maeneo mbadala ya kuendelea na shughuli zao kwa utaratibu utakaosimamiwa na wataalamu kutoka Idara ya arshi.

Bieda pia aliwataka Wataalqmu wa Taasisi wezeshi zinazotoa huduma katika Halmashauri hiyo kuhakikisha wanatembelea kwa kila kata na kusikiliza kero zilizopo Ili waweze kuzitafutia ufumbuzi wa haraka.

Alisema baada ya kufanya hivyo watalazimika kuleta mrejesho kwenye Baraza la Madiwani na kwa kutumia utaratibu huo watapunguza Changamoto za wananchi ambazo zinakosa utatuzi.

Mwenyekiti wa Chama Cha Mapinduzi (CCM) Wilaya ya Kibaha Vijijini ....amewasisitiza Madiwani kuwa na ushirikiano na wakuu wa Idara sambamba na kuhakikisha miradi kwenye maeneo yao inakamilika kwa wakati.