WATAALAMU WA KILIMO NA MIFUGO KIBAHA DC WATEMBELEA WAKULIMA NA WAFUGAJI.

Posted on: September 18th, 2025

Timu ya Wataalamu wa Kilimo na Mifugo kutoka Halmashauri ya Wilaya ya Kibaha wawatembelea Wakulima na Wafugaji kata ya Magindu na Gwata.

Timu hiyo ya  imeongozwa na Mkuu wa Idara ya Kilimo, Mifugo na Uvuvi kutoka Halmashauri ya Wilaya ya Kibaha Bi Evelyne Ngwira Kwa niaba ya Mkuu wa Wilaya ya Kibaha na Mkurugenzi Mtendaji wa Halmashauri hiyo.

Akizungumza katika kikao kazi na Wajumbe wa serikali ya Kijiji cha Lukenge  baada ya kupata fursa ya kutembelea  Shamba hilo Bi Evelyne Ngwira ametoa ufafanuzi juu ya Mradi wa shamba Lukenge.

Ngwira amesema shamba hilo Lina ukubwa wa Ekali 400 ambapo hadi Sasa Ekali 53 zimesafishwa Kwa gharama ya Mapato ya ndani ya Halmashauri.

Aidha  Ngwira ameishirikisha serikali ya Kijiji katika kujadili namna  ya uchimbaji wa visiki.

Ambapo wakubaliana kutumia Fedha iliyobaki Shillingi 1.3 Millioni  Kwa matumizi ya kuondoa  visiki katika shamba.

Kwa upande wa serikali ya Kijiji hicho chini Mwenyekiti ndugu John Kisukari Urembo ameiomba Halmashauri ya Wilaya ya Kibaha kuwalimia ekali hizo 53 Kwa awamu ya kwanza kwani Wananchi Wengi hawana uwezo Wa kifedha ili kutimiza Malengo ya Mradi huo wa Block Farming Kwa haraka.

Sambamba na Wakulima hao pia wataalumu wa Mifugo chini Daktari wa Mifugo wa Halmashauri ya Wilaya ya Kibaha Dkt Kulusi Patrick wameendesha zoezi la chanzo ya Mifugo ambapo takribani  Ng'ombe 706 wamepatiwa chanjo katika kata ya Gwata na Magindu.

Ofisi ya Mkurugenzi Mtendaji Halmashauri ya Wilaya ya Kibaha ilitoa Shillingi million 30  Kwa Serikali ya Kijiji cha Lukenge Kwa lengo la kusafisha shamba Hilo.

Ambapo  kampuni ya  LUMEKO ENGINEERING COMPANY ilishinda tenda hiyo na kusafisha eneo la Ekali 53 Kwa asilimia 90% ya mkataba .