Kibaha yaadhimisha siku ya upandaji miti kwa kupanda miti shule ya Sekondari Kikongo

Posted on: March 27th, 2024

KATIBU Tawala wa wilaya hiyo Moses Mwagogwa ameitaka jamii kurithisha  misitu kwa kizazi kijacho kama wao walivyorithishwa.huku akisisitiza wananchi kuwa wabunifu kuendana na kauli mbinu ya " misitu na ubunifu" .

Akizungumza kwa niaba ya Mkuu wa Wilaya ya Kibaha Nickson Simon kwenye siku ya upandaji miti kitaifa Moses amesema endapo Wazazi watajenga tabia ya kurithisha watoto wao upandaji miti itasaidia misitu kuwa endelevu

 Alisema kwa kuwa miti hiyo imepandwa shuleni itakuwa na uangalizi wa waalimu na wanafuzi.

Aidha Moses alisema kutokana na Kibaha kuwa karibu na jiji la Dar es salaam ambalo linauhitaji mkubwa wa mkaa na kuni kama Wilaya wameandika andiko kwenda serikali kuu kwa ajili ya kuongeza mitungi ya gas na kutoa ruzuku kwa gas kwani Jiji hilo likipata nishati mbadala uharibifu unaofanyika Kibaha hautaendelea.

Miche 1500 imepandwa  katika shule ya sekondari Kikongo Halmashauri ya Wilaya ya Kibaha kuadhimisha siku ya upandaji miti kitaifa.

Kaimu mkuu wa kitengo cha maliasili na hifadhi ya mazingira Theodory Kavishe amesema wanatarajia kupanda miche 210,000 ikiwa miche 150,000 itatoka kwenye vitalu vya Halmashauri  na miche 60,000 itatoka kwa wakala wa huduma za misitu.

Kavishe amesema lengo la kupanda miti hiyo ni kukabiliana  na ongezeko la ukataji na ufyekaji wa misitu katika wilaya hiyo unaosababishwa na ongezeko la watu katika jiji la Dar es salaam na hivyo kuongezeka kwa uhitaji wa mkaa na kuni.

Akitoa salaam za chama tawala Mwenyekiti wa chama cha Mapinduzi wilaya ya Kibaha Kanusu Mkali ameipongeza Halmashauri kwa kushirikiana na TFS kwa juhudi zao za kuzalisha miche ya kutosha na kuisambaza kwenye taasisi mbalimbali.

Pia Kanusu amezitaka taasisi zilizopo Kibaha kupanda miti ya matunda na mbao ili iwe na manufaa kwao baadae

 Nae Pso Feruzi  Kiula kwa niba ya kamishana wa  Uhifadhi Kanda ya Mashariki amesema jukumu  walilopewa ni kusimamia raslimali misitu na nyuki kuhakikisha inashamiri kwa kusimamia misingi endelevu na walichofanya  ni kuhakikisha raslimali hiyo nakuwepo kwa njia endelevu.

Kiula  ameongeza kuwa ili baadae wananchi wasiwe wakimbizi wa mazingira ni wajibu wao kupanda miti na kuitunza.