BILIONI 34.9 ZAPITISHWA KAMA MAKSIO YA MPANGO NA BAJETI KWA MWAKA WA FEDHA 2024/2025

Posted on: February 8th, 2024

BARAZA la Madiwani wa Halmashauri ya Wilaya ya Kibaha limepitisha makisio ya mpango wa bajeti ya mwaka 2024/2025 sh. Biln 34,978,678,327.00 ambazo zinatarajiwa kukusanywa na kutumika kwa ajili ya utekelezaji wa shughuli mbalimbali za kiuchumi na kijamii.

Kati ya fedha hizo sh. Biln 2.5  ni makusanyo ya ndani vyanzo visivyo na masharti, sh. Biln 1.5 makusanyo yatokanayo na vyanzo lindwa , sh.19,734,682,800.00 ni Mishahara ya Watumishi, sh. Biln.1,572,138,000.00 ni matumizi ya kawaida na sh. Biln 10,316,007,611.00 ni miradi ya maendeleo.

 Mwenyekiti wa Halmashauri ya Wilaya ya Kibaha Erasto Makala amesema kati ya fedha hizo  sh.Biln  1,035,846,611.00 ni kupitia fedha za mapato ya ndani, sh. Biln  5,915,862,000.00 ni fedha za miradi za ndani (Serikali kuu) na Tshs. 3,364,299,000.00 fedha za wahisani).

Makala amesema Mpango na Bajeti kwa mwaka wa fedha 2024/2025 umeandaliwa kwa kuzingatia Mpango wa Maendeleo ya Taifa wa miaka mitano awamu ya pili unaolenga Uchumi wa Viwanda, Ilani ya Uchaguzi Mkuu wa 2020, Sheria ya Bajeti sura 439 na kanuni zake na Masuala yaliyosisitizwa katika mwongozo wa Mpango na Bajeti ya mwaka 2024/2025 ikiwa ni pamoja na kutenga asilimia 40 ya mapato ya nadani kwa ajili ya utekelezaji wa miradi ya maendeleo na asilimia 10 ya mapato ya ndani kwa ajili ya kuwezesha vikundi vya wanawake,vijana na watu wenye ulemavu.

Sambamba na maelekezo Halmashauri  imetenga fedha  kwa ajili ya Lishe, shughuli za ustawi wa jamii, ukamilishaji wa miradi viporo na fedha kwa ajili ya  miradi yakuongeza mapato ya Halmashauri kupitia fedha za mapato.

Mwenyekiti wa Halmashauri Erasto Makala amesema katika kipindi cha  mwaka wa fedha 2023/2024 Halmashauri ya Wilaya ya Kibaha ilikadiria kukusanya jumla ya sh.. 33,520,944,664.00 kutoka katika vyanzo mbalimbali vya Halmashauri.

Aidha, alieleza kuwa hadi kufikia Disemba 31, 2023 jumla ya sh. Biln 16,826,756,099.58 zimekusanywa sawa na asilimia 50 ya makisio ya mwaka.

Amesema Mafanikio yaliyopatikana yametokana na  uwajibikaji na ushirikiano mzuri uliopo baina ya Watumishi na Uongozi wa Halmashauri, kufanya ziara shirikishi za ufuatiliaji na utekelezaji wa maazimio yamewezesha kukusanya vizuri mapato ya Halmashauri.

Awali Kaimu Mkurugenzi wa Halmashauri hiyo Edward Masona alisema watahakikiaha wanaimarisha ukusanyaji wa mapato ya ndani kwa kutenga fedha na kupeleka kwenye miradi ya maendeleo..

Masona amesema bajeti hiyo imezingatia dira ya Maendeleo ya Taifa, ilani ya Uchaguzi Mkuu na masuala yaliyosusitizwa katika mwongozo wa mpango wa bajeti.