ZIARA YA PRINCES SOFIE MKE WA MTOTO WA MALKIA WA UINGEREZA ,KITUO CHA AFYA MLANDIZI

Posted on: September 18th, 2024

Waziri wa afya Jenista Muhagama Leo Stember 18 amefanya ziara katika kituo cha afya cha Mlandizi, kilichopo  hamlamashauri ya wilaya ya kibaha mkoani Pwani.

Muhagama pamoja na wageni kutoka serikali ya Uingereza wamepata fursa ya kujionea  huduma zinazotolewa  katika kituo  hicho cha afya .

 Aidha waziri Muhagama ameishukuru serikali ya awamu ya sita pamoja na taasisi ya Singhtsavers ambayo makao yake makuu yapo uingereza.
Taasisi hiyo ya sightsaver imeanzisha mradi maalum wa  kudhibiti  ugonjwa wa Trachoma pamoja na kutoa huduma ya upasuaji na matibabu mbalimbali  ya macho katika kituo hicho cha afya.

 Mhe. Muhagama amewataka wananchi wa Tanzania kushirikiana na serikali wanapo ona kunadalili zozote za ugonjwa trachoma katika jamii zao na wahanga wahimizwe  kwenda hospitali kupata matibabu ili kuepukana na maambukizi yanayoweza kusababisha  upofu wa macho.

Naye Mkurugenzi mkazi wa taasisi ya Sightsaver Tanzania Godwin  Kabalika, ameeliza  kuwa kulingana na ushirikiano ulipo kati ya Tanzania na Uingereza utasaidia sana nchi ya Tanzania kutokomeza ugonjwa wa Trachoma pamoja na magonjwa mengine yanayo ikabili nchi yetu.

Mkurugenzi huyo alitumia fursa kuwaasa wauguzi kutoa elimu kwa wananchi juu ya ugonjwa huo, ili kupunguza idadi ya wagonjwa wa macho.kwani Tanzania bila Trachoma inawezeka

Kwaupande wake  tabibu wa upasuaji wa macho(Trachoma Trichiasis Surgeon) kutoka kituo cha afya mlandizi Azaria Athumani,anasema wananchi wanapaswa kuondoa hofu na kujitokeza kwa wingi kupata matibabu ya ugonjwa wa trachoma kwani unatibika kwa muda mfupi sana.

 Zuberi Mohammed ni miongini mwa wagonjwa wa macho waliopata huduma ya macho katika kituo cha afya mlandizi na amemshukuru Rais Dkt. Samia Hassan Suluhu Kwa kujali na kuzingatia wananchi wake hasa rika la wazee kwa kupatiwa matibabu bora.

Ziara hiyo ya Waziri wa afya Jenister Muhagana ili ambatana na Mke wa mtoto wa malkia wa Uingereza Princes  Sofie, balazi wa uingereza nchini Tanzania Marriane Young, naibu katibu mkuu kutoka wizara ya afya Ismail Rumatila, pamoja na watumishi kutoka taasisi mbalimbali.