Waziri Mpina Aweka Jiwe la Msingi Kiwanda cha Kusindika Nyama Soga

Posted on: March 26th, 2019

WAZIRI MPINA AWEKA JIWE LA MSINGI KIWANDA CHA KUSINDIKA NYAMA SOGA.

Waziri wa mifugo na uvuvi  Mhe.Luhaga Mpina ameweka jiwe la msingi kwenye kiwanda cha kusindika nyama cha Tan Choice kinachojengwa soga wilayani kibaha.

Akiongea wakati wa hafla hiyo Mpina amepongeza uongozi wa kiwanda hicho kwa uamuzi wao wa kujenga kiwanda hicho hapa Tanzania ambacho kitakuwa na uwezo wa kuchinja ngombe 1000, mbuzi na kondoo 450 kwa siku.

Waziri Mpina amesema hakutegemea kama kiwanda hicho ni kikubwa kiasi alichokiona  na kuongeza kuwa kiwanda hicho  kitakuwa kikubwa afrika mashariki na kati kwenye sekta ya mifugo.

Pamoja na hayo Mpina amesema mnada wa pugu utahamishiwa ruvu  hivyo itakuwa rahisi kwa kiwanda cha Tan choice kupata malighafi kwa ukaribu.

Waziri amesema serikali imeimarisha upatikanaji wa chanjo na ifikapo dec mwaka huu chanjo zote muhimu zitapatikana hivyo wawekezaji wawe  huru kuwekeza Tanzania kwenye sekta ya mifugo na uvuvi.

Mpina ameahidi kumwalika Rais wa Jamuhuri ya Muungano wa Tanzania kuja kufungua kiwanda hiki ifikapo septemba 2019 hivyo amewataka wamiliki wa kiwanda kukamilisha ujenzi  pamoja na kuweka vifaa katika kiwanda hicho.

Mmiliki wa  kiwanda hicho ameishukuru serikali ya Tanzania kwa ushirikiano wanaowapa na kuahidi kuanzisha miradi mingine miwili  mikubwa .

Kiwanda cha  Tanchoice kitakapokamilika kitakuwa na uwezo wa kutoa ajira kwa watu 500 na wameahidi kutoa kipaumbele kwa vijana wa kibaha wenye sifa .