Wananchi wa Soga Wametoa Shukrani kwa Yepi Markezi kwa Kuwajengea Jengo la Wazazi

Posted on: February 22nd, 2019

WANANCHI SOGA WATOA SHUKRANI KWA  YEPI MARKEZI KWA KUWAJENGEA JENGO LA WAZAZI

Wanakijiji cha Soga wametoa shukrani kwa kampuni inayojenga reli ya mwendo kasi (standard gauge) Yepi Markezi kwa kuwajengea jengo la kisasa la  wazazi kwani kabla ya jengo hilo wazazi wa Soga walikuwawanasongamanakwenye  chumba kimoja tu kilichokuwa kinatoa huduma zote za uzazi.

Pongezi hizo zimetolewa wakati ya ziara ya kamati ya huduma za jamii walipotembelea ujenzi wa jengo hilo na kuridhishwa na kiwango na ubora wa jengo hilo la wazazi ambalo lina vyumba vitatu na sehemu ya wagonjwa kusubiria huduma.

Akiongea baada ya kukagua jengo hilo makamu mwenyekiti wa halmashauri bi Futuma Ngozi ametoa pongezi nyingi kwa Yepi Markezi kwa kujenga jengo la kisasa la wazazi.

Pamoja na ukaguzi wa jengo la wazazi kamati ya huduma za jamii ilikagua ukarabatibwa shule ya msingi soga ambayo inakarabatiwa na Yepi Markezi pia na kumtaka mkuu wa shule kushirikisha serikali ya kijiji pamoja na wataalam wa idara ya ujenzi kwenye miradi inayoendelea.

Vile vile kamati hiyo imetoa agizo kwa Mtendaji  wa Kata ya   Kwala kuhakikisha maji yanapatikana kwa wakati kwenye ujenzi wa mabweni unaoendelea kwani kamati ilikuta ujenzi umesimama kwa sababu ya ukosefu wa maji .

Shule ya Sekondari Kwala walipokea milion 150 kwa ajili ya ujenzi wa mabweni mawili ambayo yalitakiwa kukamilika januari lakini yalishindwa kukamilika kutokana na tatizo la maji.