WADAU WA USTAWI WA JAMII WATEMBELEA VITUO VYA WATU WENYE MAHITAJI MAALUMU KIBAHA DC.

Posted on: September 4th, 2025

Halmasha ya Wilaya ya Kibaha  Kupitia kitengo cha Ustawi wa Jamii Kwa kushirikiana na Umoja wa wamiliki wa vituo vya kulelea Watoto (UWAWAVIKUWA) wametembelea  watu wenye uhitaji Maalumu.

Matembezi hayo yamefanyika leo Septemba 4,2025 Kwa kutembelea vituo vitatu vya watu wenye uhitaji Maalumu, wakiwemo wazee, Watoto Yatima na Watoto wanaoishi katika Mazingira Magumu.

Akizungumza katika utoaji wa zawadi Mbalimbali, Kaimu Afisa Ustawi wa Jamii Bi Restuta E. Maila Kwa niaba ya Mkurugenzi Mtendaji Halmashauri ya Wilaya ya Kibaha.

Ameushukuru Umoja wa wamiliki wa vituo vya Kulelea Watoto- Daycare    ( UWAWAVIKUWA) Kwa kujitoa Kwa Kwa wazee na watoto yatima.

Maila ametoa rai Kwa wadau wengine kushirikiana na ustawi wa Jamii katika kutatua changamoto zilizopo katika Jamii Kwa ustawi wa  Jamii  iliyobora.

Naye mwenyekiti wa Umoja wa wamiliki wa vituo vya kulelea Watoto vilivyopo katka Halmashauri ya Wilaya ya Kibaha Bi  Asia M. Msongani,  amesema wamejitoa ili kuonesha matendo ya huruma na kurudisha kidogo wanachopata kwa Wahitaji ili kupunguza changamoto katika Jamii.

Msongani amewataka watoto kuishi Kwa kumtegemea Mungu kwani uyatima sio mwisho wa Ndoto  zao.

Kwa Upande wao Mama Meena, Khadija Bango na Ditrick Msemwa  ni Miongoni mwa walezi na wasimamizi wa vituo vya watu wenye uhitaji maalumu vilivyopo Halmashauri ya Wilaya ya Kibaha.

Kwa nyakati tofauti wamewashukuru wadau na ustawi wa jamii Kwa zawadi mbalimbali na kuwatembelea, kwani imekuwa faraja kubwa sana Kwa wazee na watoto yatima.

Umoja wa wamiliki wa vituo vya kulelea Watoto, wamepata fursa kutembelea  Vituo vitatu ambavyo ni  Nyumba salama ya wazee ,kituo cha yatima Masjid Nurain na Kituo cha watoto wenye Mazingira magumu  cha Vijaliwa vingi Society.

 Kwa kuwapatia zawadi mbalimbali zikiwemo

Sabuni, mafuta,Sukari,

Unga na vifaa vya kujistili Kwa wazee.