VIONGOZI WA VYAMA VYA SIASA WAKUTANA NA MSIMAMIZI WA UCHAGUZI KUJADILI RATIBA YA KAMPENI KUELEKEA UCHAGUZI SERIKALI ZA MITAA

Posted on: November 17th, 2024

 Leo  Novemba 17 Msimamizi Mkuu wa Uchaguzi wa wilaya Bi Regina L. Bieda amefanya kikao kazi na viongozi wa vya Siasa ngazi ya Wilaya.

Ambapo Makatibu wa vyama vya Siasa na Msimamizi wa uchaguzi ngazi ya Wilaya, wamepata fursa ya kuijadili ratiba ya kampeni kuelekea Uchaguzi wa Serikali za Mitaa Novemba 27, 2024.

Bieda amesema wanataraji kuwa na vituo vya kupigia Kura 183 ili kurahisha wananchi kupata haki yao ya Msingi ya kupiga Kura.

Naye Afisa Uchaguzi Wilaya Grace  Haule amewataka viongozi wa vyama vya Siasa, kufanya kampeni za kistaarabu  zenye maadili na amani pindi muda utakapofika.

Kampeni za Uchaguzi za vyama vya Siasa kuelekea Uchaguzi Serikali za  Mitaa, zitaanza rasmi tarehe 20 hadi 26 Novemba 2024.

Ambapo wananchi wanaombwa kushiriki ili kusikiliza sera na kwenda kupiga Kura Novemba 27, 2024.