UJENZI WA SHULE YA SEKONDARI DUTUMI KUANZA RASMIUJENZI WA SHULE YA SEKONDARI DUTUMI KUANZA RASMI

Posted on: September 19th, 2024

Ofisi ya Mkurugenzi wa Halmashauri ya Wilaya ya Kibaha  Jana tarehe 18.09.2024  wametembelea eneo la mradi wa ujenzi wa shule mpya ya sekondari katika Kata ya Dutumi.

Akizungumza kwenye ziara hiyo Kaimu Mkurugenzi, Joachim Assey, amewataka wananchi kushiriki katika ujenzi wa shule hiyo kwa kuchangia nguvu kazi kama vile kusafisha eneo la ujenzi, kuchimba msingi, na kuchota maji.

Awali, akitoa taarifa ya mradi, Afisa Elimu Taaluma Sekondari, Siza Mwakajinga, amesema wamepokea shilingi milioni 528.9 kwa ajili ya ujenzi wa shule hiyo kupitia Mradi wa Kuiboresha Elimu ya Sekondari (SEQUIP).

Shule hiyo itajengwa na kuwa na vyumba vya madarasa nane, chumba cha TEHAMA, nyumba ya mwalimu, tanki la chini la kuhifadhi maji, pamoja na matundu nane ya vyoo.

Naye Diwani wa Kata hiyo, Mhe. Rajabu Ramadhani Hussein, amemshukuru Mhe. Rais Dkt. Samia Suluhu Hassan kwa kutoa pesa za kutosha kwa ajili ya ujenzi wa shule hiyo.

Shule hii inatarajiwa kuhudumia vijiji vinne ambavyo ni Mwembengozi, Madege, Dutumi, na Kimalamisale, ambapo itasaidia kupunguza umbali wa kufuata elimu ya sekondari.

Wananchi wa Kata ya Dutumi wamesema wako tayari kuchangia nguvu kazi, ikiwemo uandaaji wa eneo la ujenzi, uchotaji wa maji, uchimbaji wa msingi, pamoja na upandaji wa miti ya matunda na ya kivuli.

Aidha, uongozi wa Kijiji cha Madege na wananchi wake wamesema wako tayari kuongeza eneo la ujenzi kutoka hekari 10 hadi hekari 25 ili kukidhi mahitaji ya mradi huo.

Ofisi ya Mkurugenzi wa Halmashauri ya Wilaya ya Kibaha  Jana tarehe 18.09.2024  wametembelea eneo la mradi wa ujenzi wa shule mpya ya sekondari katika Kata ya Dutumi.

Akizungumza kwenye ziara hiyo Kaimu Mkurugenzi, Joachim Assey, amewataka wananchi kushiriki katika ujenzi wa shule hiyo kwa kuchangia nguvu kazi kama vile kusafisha eneo la ujenzi, kuchimba msingi, na kuchota maji.

Awali, akitoa taarifa ya mradi, Afisa Elimu Taaluma Sekondari, Siza Mwakajinga, amesema wamepokea shilingi milioni 528.9 kwa ajili ya ujenzi wa shule hiyo kupitia Mradi wa Kuiboresha Elimu ya Sekondari (SEQUIP).

Shule hiyo itajengwa na kuwa na vyumba vya madarasa nane, chumba cha TEHAMA, nyumba ya mwalimu, tanki la chini la kuhifadhi maji, pamoja na matundu nane ya vyoo.

Naye Diwani wa Kata hiyo, Mhe. Rajabu Ramadhani Hussein, amemshukuru Mhe. Rais Dkt. Samia Suluhu Hassan kwa kutoa pesa za kutosha kwa ajili ya ujenzi wa shule hiyo.

Shule hii inatarajiwa kuhudumia vijiji vinne ambavyo ni Mwembengozi, Madege, Dutumi, na Kimalamisale, ambapo itasaidia kupunguza umbali wa kufuata elimu ya sekondari.

Wananchi wa Kata ya Dutumi wamesema wako tayari kuchangia nguvu kazi, ikiwemo uandaaji wa eneo la ujenzi, uchotaji wa maji, uchimbaji wa msingi, pamoja na upandaji wa miti ya matunda na ya kivuli.

Aidha, uongozi wa Kijiji cha Madege na wananchi wake wamesema wako tayari kuongeza eneo la ujenzi kutoka hekari 10 hadi hekari 25 ili kukidhi mahitaji ya mradi huo.