SHULE ZA SEKONDARI KIBAHA DC ZAPATA VISIMA

Posted on: August 1st, 2024

Taasisi ya Fedha Foundation ikishirikiana na Taasisi ya Kijurumani TIME TO HELP TO GERMAN wamezindua visima vinne Agust 1 mwaka huu katika Halmashauri ya Wilaya ya Kibaha.

Visima hivyo vimejengwa katika Shule za sekondari nne zilizopo katika Halmashauri hiyo.

Shule hizo ni shule ya sekondari Kilangalanga, Kikongo, Mperumbe kata ya Boko na Shule ya Sekondari ya Wasichana Ruvu.

Kwa nyakati tofauti Wakuu shule hizo wakiongozwa na Mkuu wa Shule ya Sekondari ya Wasichana Ruvu bi Juliana Chimazi wametoa shukurani zao dhati Kwa msaada waliopata, utasaidia kupunguza bili ya maji ambayo huwa kubwa sana.

Chimazi amesema Kwa Ruvu hutumia matumizi makubwa na bili hufika hadi Tsh Milioni Tano Kwa mwezi.

Hivyo uchimbaji wa visima utapunguza gharama na kuleta manufaa Kwa wanafunzi.

Pia Chimazi ametumia fursa hiyo kuomba msaada kwa Taasisi hiyo kutoka ujerumani kupatiwa special generator na kujengewa uzio katika Shule hiyo ili kuwalinda watoto wa kike na changamoto mbalimbali.

Naye Siza Mwakajinga ni Afisa Elimu Taaluma ambaye ni mwakilishi wa Mkurugenzi Mtendaji Halmashauri ya Wilaya ya Kibaha.

Amesema wamefurahishwa Kwa ujio wa mradi huo wa uchimbaji wa visima katika Shule hizo nne.

Visima hivi vitasaidia kupatikana Kwa maji ya uhakika na kupunguza gharama za bili Kwa shule zetu.

Sanjari na hayo Mwakajinga ametumia fursa hiyo kuwataka walimu na wanafunzi kutunza miundo mbinu vizuri ili itumike Kwa muda mrefu  Kwa manufaa ya wanafunzi wa Sasa na wanafunzi wajao.