NMB Mlandizi Washeherekea Wiki ya Huduma kwa Wateja kwa Vitendo

Posted on: October 4th, 2023

Katika kuendelea kufurahia na Kusherekea Wiki ya Huduma kwa wateja Benki ya NMB tawi la Mlandizi imewapatia Wateja wake wa Halmashauri ya Wilaya ya Kibaha zawadi ya Keki pamoja na cheti cha shukrani ikiwa ni Ishara ya Kujali na Kudhamini mchango wao kwa Benki,

Akizungumza  wakati wa kutoa zawadi hiyo na cheti   Meneja wa Benki ya NMB Tawi la Mlandizi  Efatha Pallangyo alisema huu ni Utamaduni wa Benki yao kurudisha upendo kwa wateja wao.

Pallangyo aliwaelimisha watumishi baadhi ya huduma wanazotoa ikiwemo huduma ya jamii bonds ambayo ni ya miaka mitatu na faida yake ni asilimia tisa na kuwahamasisha kujiunga na huduma hiyo kwani ina faida nzuri kuliko kuweka fedha kwenye vibubu.

Joel Kileo kwa niaba ya Mkurugenzi Mtendaji ameishukuru benki ya NMB kwa ushirikiano mkubwa wanaouonyesha kwa Halmashauri ya Wilaya ya Kibaha na kuwataka waendeleze ushirikiano huo kwani taasis hizi mbili zinategemeana.

Kileo aliwashauri watumishi kujiunga na huduma ya jamii bonds  kwani huduma hii ni rafiki haina stress

Kwa Mwaka huu wa 2023 Benki ya NMB katika Wiki hii ya Huduma kwa wateja wamekuja na kauli mbiu ya *NMB TIMU MOJA NA WEWE*