MKUU WA WILAYA YA KIBAHA ATEMBELEA MRADI WA STENDI NA SOKO LA JIPYA LA MLANDIZI.

Posted on: September 3rd, 2025

MKUU WA WILAYA YA KIBAHA  ATEMBELEA MRADI WA STENDI NA SOKO LA JIPYA LA MLANDIZI

Mkuu wa Wilaya ya Kibaha Mhe Nickson John amefanya ziara fupi ya siku moja kutembelea Mradi wa Stendi  na Ujenzi wa Soko Jipya la Mlandizi.

Mhe Nickson aliambatana na wataalamu kutoka Halmashauri ya wilaya ya Kibaha wakiongozwa na Mkurugenzi Mtendaji wa Halmashauri hiyo Bi Regina L.Bieda.

Akizungumza Kwa nyakati tofauti Mkuu wa Wilaya huyo amesema ameridhishwa na kasi nzuri ya ujenzi wa Stendi.

Hii ni baada ya kufanya ukagauzi wa mradi huo Unaojengwa Kwa Mapato ya Ndani ya Halmashauri ya Wilaya ya Kibaha, ambapo hadi Sasa ujenzi umefikia zaidi ya asilimia 90 katika umaliziaji wake.

Wakati huo huo Mhe Mkuu wa Wilaya ameonesha hali kukasirishwa na Kasi ndogo ya Ujenzi wa Soko jipya la kisasa la Mlandizi.

Hivyo kutokana na hali hiyo Mkuu wa Wilaya huyo amemwamuru Mkandalasi wa Mradi huo kufika Ofisini kwake Mapema siku ya Jumatatu Kwa maelezo zaidi kwanini Ujenzi upo nyuma ya mkataba wa ujenzi uliosainiwa.

Mradi huo wa Ujenzi wa Soko Jipya la Mlandizi unajengwa na kampuni ya RAMADA CONSTRUCTION ENGINEERS COMPANY LTD Chini ya Mkandalasi kiongozi ndugu Jv Kinjeketile ,ambapo hadi Sasa wapo nyuma ya  mkataba wa Ujenzi huo.

Kwa upande wake Mkurugenzi Mtendaji Halmashauri ya Wilaya ya Kibaha Bi Regina L. Bieda amesema wanataraji kufungua stendi mpya ya Mlandizi iliyoko kata ya Mtambani mnamo tarehe 5 Septemba mwaka huu.

Bi Bieda ametumia fursa hiyo kuwataka Wafanyabiashara, wajisiriamali pamoja na wadau Usafirishaji Kuanza kutumia Stendi hiyo punde itakafunguliwa Kwa maslahi mapana ya kwao, Halmashauri na Taifa Kwa ujumla