Mkuu wa Wilaya Awataka Watoa Huduma Watekeleze Wajibu Wao kwa Weledi

Posted on: August 4th, 2020

MKUU WA WILAYA YA KIBAHA  AWATAKA WATOA HUDUMA WATEKELEZE WAJIBU WAO KWA WELEDI.

Mkuu wa wilaya ya Kibaha Mhe. Martin Mtemo  amewataka watumishi waliopangwa kwenye Hospitali  mpya ya Wilaya kuwahudumia wananchi  kwa weledi na kutokuruhusu  malalamiko ya aina yoyote kutoka kwa  wagonjwa  na kuepuka  vitendo vya rushwa .

Mkuu wa Wilaya ameyasema hayo  alipokuwa akizindua hospitali ya halmashauri ya wilaya ya Kibaha iliyojengwa Disunyara Mlandizi kwa gharama ya 1.7bilioni ikiwa na majengo 7.

Pamoja na hayo Mkurugenzi Mtendaji wa halmashauri ya Wilaya ya kibaha Butamo Ndalahwa amesema wanaendelea kushirikiana na DAWASA ili  kuhakikisha hospital hiyo inapata maji pamoja na changamoto ya kuwa line ya maji waliyounganishwa nayo ina watumiaji wengi sana hivyo wanashirikiana na dawasa ili waweze kubadilishiwa line nyingine ili kuhakikisha hospital inapata maji masaa 24

Butamo amemuomba Mkuu wa Wilaya kuwasaidia kuongea na Sumatra ili ipatikaneroute ya daladala ya kwenda hospitali ya Wilaya ili kupunguza gharama za usafiri kwa wagonjwa watakaoenda kupata huduma kwenye hospitali hiyo .

Mganga mfawadhi wa hospitali hiyo amesema pamoja na hospitali hiyo kufunguliwa bado kuna changamoto ya dawa na vifaa tiba pamoja na makazi ya watumishi.

Wananchi waliofika kupata huduma kwenye Hospitali hiyo wameishukuru serikali  ya awamu ya tano kwa kuwaletea hospitali ya wilaya kwani walikuwa wanahangaika sana kufuata huduma Tumbi pale mgonjwa anapopewa rufaa kutoka kituo cha afya Mlandizi.