Mkuu wa Wilaya Awaonya Waratibu elimu Kata Kutotumia Piki Piki Walizopewa kwa Matumizi Binafsi

Posted on: July 27th, 2018

MKUU WA WILAYA AWAONYA WARATIBU ELIMU KATA KUTOTUMIA PIKIPIKI WALIZOPEWA KWA MATUMIZI BINAFSI

Mkuu wa Wilaya ya Kibaha Mhe. Assumpter Mshama amewaonya waratibu elimu Kata kutotumia pikipiki walizopewa  kutoka  Tamisemi kwa matumizi binafsi ,hatua kali zitachukuliwa kwa watakaokiuka agizo hilo.

Mkuu wa Wilaya ameyasema hayo alipokuwa akikabidhi pikipiki 14 zilizotolewa na Tamisemi kwa ajili ya waratibu elimu kata . Amewasisitiza waratibu elimu hao kwenda kutumia pikipiki walizopewa kwa matumizi ya kufatilia elimu katika kata zao.

pamoja na  hayo Mkuu wa Wilaya amemuagiza Mkurugenzi Mtendaji wa Halmashauri ya Wilaya ya Kibaha kumvua madaraka Mkuu wa shule ya sekondari ya  wasichana  Ruvu kwa kufanya vibaya kwenye matokeo ya kidato cha sita pia kuwashusha madaraka walimu wakuu wote ambao shule zao hazifanyi vizuri .

Wakiongea wakati wa kupokea pikipiki hizo waratibu elimu kata wameishukuru serikali kwa kuwapa vitendea kazi kwani vitawasaidia kufuatilia ubora wa elimu katika Kata zao na Kuahidi kwenda kufanya kazi kwa bidii ili kubadilisha matokeo kwa Kibaha kwa Ujumla