Mkuu wa Mkoa wa Pwani Ameipongeza Halmashauri ya Wilaya ya Kibaha kwa Kupata Hati Safi

Posted on: May 29th, 2020

Mkuu wa Mkoa wa Pwani Mhandisi Evarist Ndikilo ameipongeza Halmashauri ya Wilaya ya Kibaha kwa kupata hati safi kwa miaka minne mfululizo.Pongezi hizo zimetolewa wakati wa kikao maalum cha baraza la madiwani cha kupitia  taarifa ya mdhibiti na mkaguzi mkuu wa hesabu za serikali(CAG)kwa mwaka wa fedha 2018/19.Pamoja na pongezi hizo Mkuu wa Mkoa ameitaka Halmashauri hiyo kujibu hoja zote za mkaguzi na mdhibiti wa hesabu za serikali ndani ya siku 14 kuanzia leo.Aidha Mkuu wa Mkoa amewataka watumishi wa Halmashauri kuepuka kuzalisha  hoja na badala yake wafuate sheria, kanuni na taratibu.Vile vile amewataka watendaji kufanya kikao na wakaguzi hao wakati wanaanza kufanya kazi na baada ya kumaliza kazi.

Akifunga baraza hilo la Maalum Mwenyekiti wa Halmashauri ya Wilaya ya Kibaha Mhe. Mansoor Kisebengo amemshukuru Mkuu wa Mkoa kwa ushirikiano aliowapa kwa muda wote wa miaka mitano na kumuomba kuendelea kuwapa ushirikiano.