MKURUGENZI KIBAHA DC APONGEZWA KURATIBU MAFUNZO YA MFUKO WA HIFADHI YA JAMII -PSSSF.

Posted on: September 3rd, 2025

Watumishi  wa Halmashauri ya Wilaya ya Kibaha wamepata Mafunzo kutoka Mfuko Wa hifadhi ya Jamii (PSSSF).

Mafunzo hayo yamefanyika leo Septemba 3,2025 katika Ukumbi Mkubwa wa Halmashauri.

Akizungumza awali Afisa Utumishi wa Halmashauri ya Wilaya ya Kibaha Ndugu Edward Masona katika ufunguzi wa mafunzo kwa niaba ya Mkurugenzi Mtendaji Bi Regina L.Bieda, ameshukuru Kwa ujio wa Maafisa wa kutoka PSSSF na kuwataka watumishi wa Umma kusikiliza Kwa makini na kupata weledi mzuri juu ya mfuko huo wa hifadhi ya Jamii.

Masoma amesema mfuko wa hifadhi ya jamii hubeba taswira nzima ya Maisha ya mtumishi wa Umma wakati na baada ya utumishi kukoma.

Naye  Afisa Mafao kutoka PSSSF ndugu Abraham Kiishwako ameweeleza  watumishi wa Umma Kuna Mafao ya aina tano ambayo hutolewa na PSSSF kama vile, Mafao ya Muda Mrefu, Mafao ya Uzeeni, Mafao ya Ulemavu, Mafao ya Kifo na Mafao ya Wategemezi.

Aidha Kiishwako amewataka watumishi wa Umma  hasa Ajira Mpya  kujisali kidigital katika Mfumo Wa PSSSF PORTAL ili kupata taarifa za michango yao pamoja huduma Zingine za Mfuko.

Lengo la Mafunzo hayo kujenga weledi Kwa watumishi wa Umma juu huduma zitolewazo na mfuko huo.

Ramadhani  Mang'walu na Tutindaga Ngomale ni Miongoni mwa Watumishi wa Umma walioshiriki Mafunzo, Kwa nyakati tofauti wamemshukuru Mkurugenzi Mtendaji Kwa kuwapa fursa ya kuufahamu Mfuko wao Wa hifadhi ya Jamii .

Akifunga Mafunzo hayo ya siku moja Kwa watumishi wa Umma, Edward Masona amewataka watumishi kuzingatia maelekezo ya Maafisa Mafao kutoka PSSSF ili kuondoa usumbufu wakati na baada ya kustaafu.