Mbunge Afanya Ziara ya ukaguzi wa Miradi Halmashauri ya wilaya ya Kibaha

Posted on: November 14th, 2024

Mbunge wa Kibaha vijijini Michael C. Mwakamo Leo 14 Novemba ametembelea miradi inayo endelea katika Halmashauri ya wilaya ya Kibaha.

Akizungumza kwenye ziara hiyo Mhe.Mbunge amewataka wakandarasi kusimamia miradi hiyo kwa umakini zaidi ili iweze kukamilika kwa wakati sahihi uliopangwa.

"Mkasimamie miradi ijengwe kwa ubora na viwango vizuri ili iweze kuja kutumika kwa vizazi vijavyo na kukamilika kwa wakati mara itakapo kamilika itakua imewarahisishia wananchi kupata huduma kwa ukaribu na  kuleta maendeleo katika jamnii".

Miradi hiyo ni pamoja na Ujenzi wa shule ya Amali(ufundi), shule Dutumi, shule shikizi ya minazi mikinda kata ya ruvu na zahanati ya kwala.

Nae mganga Mkuu waHalmashauri wilaya ya Kibaha Wilford Kondo akimkaimu mkurugenzi wa Halmashauri ya kibaha ameishukuru serikali kwa kuwaletea miradi hiyo kwani italeta chachu ya Maendeleo.

"Tunashukuru sana Viongozi wote kwa kutuletea Miradi hii katika Halmashauri yetu, mara Miradi  kukamilika itasaidi wananchi kupata huduma kwa karibu na uharaka hasa kwa wagonjwa wa dharura na mama wajawazito".

Maimuna juma mkazi kata ya ruvu "Sisi kama wananchi tunawashuku kwa kujengewa Shule ya ufundi tunaamin vijana wataongeza ujuzi na kujiajiri wenyewe" hivyo ni fursa kubwa sana kwetu."

Mbunge Mwakamo alihitimisha kwa Kusisitiza wasimamizi wote wa Miradi hiyo Kuhakikisha Miradi inakamilika kwa wakati na kuwakumbusha wananchi kujitokeza kushiriki Uchaguzi wa serikali za Mitaa utakofanyika Tarehe 27 Novemba 2024.