MANAGEMENT YA HALASHAURI YA WILAYA YA KIBAHA YATEMBELEA BANDARI KAVU KWALA

Posted on: July 28th, 2025

Mkurugenzi Mtendaji wa Halmashauri ya Wilaya ya Kibaha, Bi. Regina Bieda akiwa ameambatana na wakuu wa idara na vitengo kutoka Halmashauri hiyo, wametembelea na kukagua maeneo mbalimbali ya uzinduzi wa Bandari Kavu ya Kwala leo, Julai 28, 2025.

Maeneo yaliyotembelewa ni pamoja na Bandari Kavu ya Kwala,  upokeaji wa mabehewa ya mizigo ya treni ya SGR, Kongani ya viwanda pamoja na eneo rasmi la mkutano ambapo Mheshimiwa Rais wa Jamhuri ya Muungano wa Tanzania, Dkt. Samia Suluhu Hassan, anatarajiwa kuzungumza na wananchi tarehe 31 Julai, 2025.

Wananchi wote mnakaribishwa kwa wingi Kwala tarehe 31.07.2025 kushuhudia uzinduzi mkubwa wa Bandari Kavu, upokeaji wa mabehewa ya mizigo pamoja na kupata nafasi ya kumsikiliza Rais wetu mpendwa, Mhe. Dkt. Samia Suluhu Hassan.

Twende zetu Kwala – 31.07.2025!