Makatibu Wakuu Wakutana Kujadili Mpango Kabambe wa MjiI wa Kibiashara Kwala

Posted on: August 16th, 2022

Makatibu wakuu kutoka wizara saba  wamekutana kujadali mpango kabambe wa uendelezaji wa jiji la kibiashara la kwala lililopo Kibaha Mkoani Pwani.

Makatibu hao wamekutana kwenye kikao cha muendelezo kilichofanyikia Kwala.

Akiongea kwenye kikao hicho Mwenyekiti wa kamati hiyo ambaye ni katibu Mkuu Wizara ya Tamisemi  Pro. Riziki Shemdoe amesema wamekubaliana kuwa ifikapo 31/12/2022 bandari kavu ya Kwala iwe imeanza kufanya kazi .

Pro. Shemdoe amesema katika eneo viwanda 200 vinatarajiwa kujengwa na kwamba wawekezaji hao wameomba kupatiwa huduma ya umeme wa megawati 2 kwa kuanzia na baadae megawati 30 ili wafanye kazi kwa ufanisi.

Aidha Katiibu mkuu huyo amesisitiza kwamba ombi la megawati 250 linaendelea kufanyiwa kazi na Serikali na kutokana na umuhimu wake majibu yatapatikana

Kwa mujibu wa Katibu mkuu huyo wameelekeza barabara kutoka Vigwaza hadi Kwala iwe imekamilika ifikapo Sep 30  mwaka huu na maelekezo yametolewa kwa Wakala wa Barabara TANROAD walioingia mkataba na mkandarasi ahakikishe hakuna kuongeza muda .

Ameelekeza  ifikapo mwezi Desemba mwaka huu maji yawe yamefika katika eneo hilo  hivyo ambapo amewataka Mamlaka ya Maji safi na Usafi wa Mazingira  (DAWASA) kumuandikia Katibu Mkuu Wizara ya maji kumwomba sh. Bil.20 ili kazi iweze kuanza mwezi Septemba kutokana na  Wawekezaji kulalamika adha ya ukosefu wa maji wanayoipata inayosababisha kuchota maji kwenye bonza.

Kwa mujibu wa Pro. Shemdoe wamepokea changamoto ya Mawasiliano kutoka kwa wekezaji ambao wamedai kwasasa ni mtandao wa Tigo pekee na kuwataka watoa huduma za mawasiliano wakawekeze Kwala .

Katika hatua nyingine Katibu mkuu aliwataka wanaoandaa mpango kabambe wa kwala wawe wamekamilisha ifikapo tarehe Octoba 30.

Naye Katibu Mkuu Nishati Mhandisi Felshesmi Mramba  amesema megawati mbili zinaweza kupatikana ndani ya siku moja na megawati 30 zitapatikana kabla ya Novemba 30 mwaka huu

Vijiji 30 kutoka Halmashauri ya Wilaya ya Kibaha, Chalinze na Kisarawe vitaingia kwenye mpango kabambe wa kuendeleza jiji la kibiashara la Kwala 2022-2042