MAFUNZO YA UTAWALA BORA YA TOLEWA KWA WATENDAJI WA SERIKALI ZA MITAA NGAZI YA KATA NA VIJIJI

Posted on: January 2nd, 2025

MAFUNZO YA UTAWALA BORA  YATOLEWA KWA WATENDAJI WA SERIKALI ZA MTAA NGAZI YA KATA NA VIJIJI.

Mkuu wa Idara ya Utumishi Halmashauri ya wilaya ya kibaha Edward Masona amefungua mafunzo ya utawala bora kwa watendaji wa Serikali za mitaa ngazi ya kata na vijiji Leo 8,Januari 2025.

Akizungumza kwenye mafunzo hayo amewataka watendaji kwenda kutumikia wananchi kwa kuzingatia utu, matumizi ya lugha nzuri, na  maadili yote ya kazi ya Mtumishi wa umma.

Revocatus Fivawo, Mhadhiri wa Chuo cha Utumishi wa Umma (TPSC) ametoa mafunzo hayo kwa kuwataka watendaji kufanya kazi kwa kuzingatia kanuni na sheria za utawala bora ikiwa ni pamoja na uwazi, uwajibikaji,na ushirikishwaji kwa jamii.

Naye Mariam Kuhenga,Muhadhiri wa Chuo cha Utumishi wa Umma(TPSC) amewakumbusha watendaji wa ngazi zote kujituma, na kutoa huduma bora kwa wananchi kwa kuzingatia haki na usawa Bila upendeleo wa kabila, kipato au dini .

Pili Mgumba, ni miongoni mwa watendaji walio shiriki mafunzo hayo, ameshukuru uongozi wa halmashauri kwa Kuhakikisha wanapatiwa mafunzo hayo kwani yamewaongezea ujuzi na maarifa katika kazi.

Mafunzo hayo yamehitimishwa na Kaimu Mkurugenzi wa halmashauri, Emmanuel Mkwe kwa  kuwakumbusha watendaji kufanya kazi kwa haki na kutengeneza ushirikiano mzuri na wananchi ili kulinda amani na usalama kwani utawala bora ni nguzo ya msingi katika kuleta maendeleo katika jamii.

https://www.instagram.com/share/p/BAFgrpTMJQ