Kikao cha Naibu Katibu Mkuu TAMISEMI na Waalimu wa Halmashauri ya Wilaya ya Kibaha

Posted on: May 31st, 2024

Mwakilishi wa naibu katibu mkuu TAMISEMI aneshughulikia elimu Kiduma Mageni amefanya kikao na waalimu wa halmashauri ya wilaya Kibaha.

Lengo la kikao hicho nikuwaeleza waalimu hao vitu vinavyofanywa na serikali na serikali inataka waalimu wafanye nini.

Kaduma amewaambia Mhe.Rais anawapenda sana waalimu ndio maana tangu serikali ya awamu ya sita iingie madarakani imefanya uwekezaji kwenye sekta ya elimu kama kujenga shule mpya, kujenga vyumba vya kutosha vya madarasa pia ujenzi wa nyumba za waalimu yote hayo yamefanyika ili kuweka mazingira mazuri ya kazi kwa waalimu.

Kaduma amesema kwa utafiti mdogo uliofanywa na ofisi ya Rais TAMISEM waalimu wa Tanzania wana malalamiko makuu sita ambayo ni kupanda madaraja, Miundo ya kiutumishi pale waalimu wanapoenda kujiendeleza kimasomo, salary arrears,  malipo ya likizo , uhamisho, na lugha mbaya na kejele za kutokudhamini kazi nzuri zinazofanywa na waalimu.

Mageni amesema tayari wameshaanza kufanyia kazi malalamiko hayo na waalimu 54,000 watapanda madaraja kwa mserereko.

Amesema utatuzi wa salary arrears umeshaanza kufanyiwa kazi na baadhi ya waalimu wameshaanza kupokea madai yao hayo na kutoa maelekezo kwa waalimu ambao hawajapata malipo yao na wameshajaza fomu za arrears wapeleke fomu zao kwa maafisa elimu wa wilaya na kuwataka maafisa elimu kurudisha majibu ya maendeleo ya madai hayo kwa waalimu kila mwezi.

Pia kiongozi huyo amesema leave roster ijazwe shuleni kwa wazi kabisa kwani likizo sio hisani ni haki ya mtumishi na serikali inaleta fedha za kutosha hivyo utaratibu ukiwekwa vizuri kila mwalimu atapata haki yake kwa wakati kabisa.

Fatuma Kisalazo kaimu Mkurugenzi amesema wamepikwa na kuiva kabisa na kuahidi kuwa yeye pamoja na waalimu wenzake wanaenda kuwa wapya kwani wamepokea yote walioelekezwa na hivyo watarajie kibaha mpya kwenye upande wa elimu.

Kwa niaba ya waalimu wa shule za msingi mwalimu Titi Shabani Maziku amesema wamefarijika sana kwa namna ya pekee kwani hawajawahi kukaa na kiongozi mkubwa kama naibu katibu mkuu na kujadili changamoto zao na kuahidi wanaenda kuchapa kazi na kuleta matokeo chanya kwenye sekta ya elimu. Pia amemshukuru Mhe. Rais kwa kuwaletea miradi mingi ya kuboresha sekta ya elimu na kwa sasa Kibaha inameremeta.

Abdallah Rashid Hemed kwa niaba ya elimu sekondari amesema wamepokea yote yaliyoelekezwa na kuahidi kuwa yeye na waalimu wenzake wanaenda kuwa wapya