Katibu Tawala Mkoa Wa Pwani Amekagua Miradi ya Maendeleo

Posted on: September 26th, 2022

Katibu Tawala   Mkoa wa Pwani, Zuwena Omari amefanya ziara ya kutembela miradi ya maendeleo katika Halmashauri ya Wilaya ya kibaha akiwa na lengo la kujionea jinsi miradi hiyo inavyotekelezwa.

Miradi iliyotembelewa na katibu Tawala ni pamoja na ujenzi wa shule mpya ya sekondari ya Kikongo, ujenzi wa wodi mbili, jengo la kuhifadhia maiti, chumba cha upasuaji na ujenzi wa wodi mbili za upasuaji katika hospitali ya wilaya Disunyara.

Katibu Tawala pia alitembelea ujenzi wa jengo la ofisi ya Tarafa Mlandizi lilojengwa Katika Kitongoji cha Disunyara,  pia alikagua shughuli za walengwa wa mpango wa kunusuru kaya maskini (TASAF), Alitembelea eneo lililotengwa kwa ajili ya ujenzi wa soko , mwisho alitembelea ujenzi wa Zahanati ya Vikuruti.

Akiongea baada ya kukagua miradi hiyo Katibu  Tawala ameipongeza Halmashauri kwa jinsi wanavyosimamia miradi ya maendeleo  kwani miradi mingi imejengwa kwa ubora.

Pamoja na pongezi hizo Zuwena aaliwataka watendaji wa halmashauri ya wilaya ya Kibaha kujua kuwa wanapotekeleza majukukumu yao wajue kuwa kuna wenzapo pia wanatekeleza majukumu kama yao

“Tunapotekeleza mambo yetu yote lazima tujue kuna wenzetu tunafanya nao , sio tu tunajilinganisha ili wao wawe nyuma lakini tunataka kuona vile vinavyotekeleza kule kwao kwa  uzuri  na changamoto ili na sisi tuweze kujifunza kwa yale mazuri na kwa changamoto tujifunze ili kwetu zisije kutokea na wenzetu tuwape fursa ya kuja kujifunza  kwetu lengo ikiwa kuwezesha serikali iweze kufanya mambo yake kwa uzuri.”

Pia Katibu Tawala aliwataka Watumishi wa Halmashauri hiyo kujiamini kwani wao ndio wanauwezo wa kutatua changamoto zote zinazowazunguka kwenye maeneo yao ya kazi  kwani kila mmoja pale alipo ndio panamtosha  na ndio mtatuzi wa changamoto zote pale alipo .

Mkurugenzi mtendaji wa Halmshauri Butamo Ndalahwa alimuhakikishia katibu Tawala Mkoa kwamba hawatamuangusha na wataongeza kasi ya kusimamia miradi ya maendeleo.