Kamati ya Fedha na Mipango Imefanya Ziara ya kukagua Miradi ya Maendeleo

Posted on: May 27th, 2022

Kamati ya Fedha  na Uongozi ya Halmashauri ya Wilaya ya Kibaha imefanya ziara ya kukagua miradi ya maendeleo inayotekelezwa kwenye Halmashauri hiyo.

Miradi iliyotembelewa na kamati hiyo ni pamoja na ujenzi wa shule ya Sekondari Kikongo  inayojengwa kwa gharama ya 470,000,000 fedha hizo chanzo chake ni SEQUIP(SECONDARY QUALITY EDUCATION PROGRAM) .

Mradi mwingine uliotembelewa na kamati ni Ujenzi wa majengo matatu katika hospitali ya Wilaya utakaogharimu Tshs 800,000,000(Milioni mia nane) ambazo ni fedha za serikali kuu. Majengo yatakayojengwa ni Mochwari, chumba cha upasuaji,wodi ya upasuaji ya wanawake na wodi ya upasuaji wa wanaume.

Kamati ilitembelea ujenzi wa Zahanati ya Vikuruti inayojengwa kwa mapato ya ndani kwa gharama ya Tshs 50,000,000(Milioni hamsini) .

Kamati baada ya kutembelea miradi hiyo walipongeza wasimamizi wa miradi hiyo kwani inajengwa kwa kuzingatia viwango vya ubora na thamani ya fedha inaonekana pia kamati ilishauri usimamizi zaidi unatakiwa kwenye miradi ili ikamilike kwa wakati na kwa viwango vinavyotakiwa .

Kamati ilitembelea kitalu nyumba kinachopatikana katika Kata ya Kilangalanga Disunyara ambacho kimejengwa kwa fedha kutoka ofisi ya waziri Mkuu , kitalu hiki ni kitalu darasa ambapo malengo ni kuwapa vijana ujuzi wa ujenzi wa kitalu nyumba , pamoja na kuwapa vijana ujuzi wa kuzalisha kisasa kwa kutumia umwagiliaji wa matone .