Kamati ya Fedha Mipango na Uongozi Imefanya ziara ya Kukagua miradi

Posted on: July 25th, 2022

Kamati ya Fedha Uongozi na Mipango ya Halmashauri ya wilaya ya Kibaha imefanya ziara ya ukaguzi wa miradi inayotekelezwa ndani ya Halmashauri ikiwa ni sehemu ya maandalizi ya vikao vya kamati ya robo ya nne  ya mwaka wa fedha 2021/2022.

Miradi iliyotembelewa na kamati hiyo pamoja na Kamaka Industrial park,ujenzi wa shule ya sekondari Kikongo pamoja na ujenzi wa zahanati ya Kisabi.

Wajumbe wa kamati ya fedha walitembelea Kamaka industrial park na kupewa maelezo ya kina kuhusu uwekezaji huo .

Akiongea wakati wa ziara hiyo Fanuel Mbwagha Mhandisi wa ujenzi katika mradi wa Kamaka industrial Park alisema eneo wanalomiliki ni jumla ya ekari 1,000 na wanategemea kujenga viwanda 220 na tayari wawekezaji mbalimbali wameanza kufanya maombi ya kupewa maeneo kwa ajili ya kufanya uwekezaji.

Mbwagha alisema katika eneo hilo la indrustrial park huduma mbali mbali zitapatikana ikiwemo bandari kavu, kituo cha polisi,kituo kidogo cha mabasi ,uwanja wa mpira, kituo cha kujazia Mafuta,nyumba za kuabudu pamoja na tank kubwa la maji lenye ujazo wa lita milioni moja.

Pamoja na hayo Mbwagha alisema shughuli za miundombinu katika eneo hilo zitakuwa zimekamilika ifikapo mwezi wa kumi hivyo watu wote kutoka nadani na nje ya nchi wanakaribishwa kuleta maombi  ya kuwekeza katika eneo hilo.

Mjumbe wa kamati ya fedha uongozi na mipango Mhe. Josephine Mbaga aliwapongeza wawekezaji hao kwa kufanya uwekezaji ndani ya Halmashauri ya Wilaya ya Kibaha na kuwashukuru kwa kuwapa kazi za muda wananchi wa kibaha na kuwaomba kazi za kudumu zikianza kutolewa wawape kipaombele vijana wa Kibaha wenye sifa.

Kamati hiyo pia ilitembelea shule ya sekondari  mpya ya Kikongo inayojengwa kwa fedha za Sequip jumla ya milioni mia nne sabini  ambapo shule hiyo ipo kwenye hatua ya ukamilishaji.

Aidha, Kaimu Elimu Sekondari Dorice Semkiwa amesema wanatarajia shule hiyo kuanza kufanya kazi mapema mwezi wa tisa hivyo wanafunzi wanaosoma shule za mbali kama Ruvu Station na Kwala watahamishiwa kwenye shule hiyo mpya.

Makamu mwenyekiti wa Halamshauri Eupharasia Kadala alitoa pongezi kwa wasimamizi wa mradi huo kwani maradi umejengwa kwa viwango vizuri na dhamani yua fedha inaonekana.

Kamati hiyo pia ilitembelea mradi wa ujenzi wa Zahanati ya Kisabi ambayo inajengwa kwa fedha za serikali kuu jumla ya million hamsini zimetolewa na ujenzi upo katika hatua za ukamilishaji .