Halmashauri ya wilaya ya kibaha Imeendesha Mafunzo ya Kuwajengea Uwezo Wahe.Madiwani.

Posted on: December 15th, 2020

Halmashauri ya Wilaya ya  Kibaha imeendesha mafunzo ya siku moja ya kuwajengea uwezo Wahe.madiwani. Mada mbali mbali ziliwasilishwa ikiwemo maadili ya madiwani, kupambana na kuzuia rushwa , mamlaka ya nidhamu kwa mwajiri.Akiwasilisha mada ya maadili ya madiwani Afisa  maadili sekretarieti ya maadili ya viongozi wa umma Magreth Vulla  amewataka madiwani kufuata kanuni na taratibu za maadili ya viongozi wa umma ikiwemo kuvaa kwa stara, kujipamba kwa stara, pia aliwataka wakaongee wanavyoruhusiwa kuongea kwani serikalini sio watu wote  wanatakiwa kuongea kuna wasemaji wanaoruhusiwa kuongea kisheria kwa hiyo wakaheshimu hilo.Magreth amewataka madiwani hao wakawe wazi kwenye taarifa za mapato na matumizi ili kujenga uaminifu kwa wananchi waliowachagua.Amewataka pia wakajiepushe na upendeleo kwenye maamuzi wanayoenda kufanya watende haki kwa kufuata taratibu na kanuni zilizowekwa.Pamoja na hayo amewataka madiwani hao kuweka maslahi yao pembeni na kutanguliza maslahi ya umma na kuepuka mgongano wa maslahi.Mkuu wa dawati la elimu kwa umma wa TAKUKURU  Mkoa wa Pwani Fredrick Mbigili amewataka madiwani kukemea vitendo vya rushwa na kuzingatia misingi ya uadilifu na kuacha kupendelea.Mbigili amewataka madiwani hao kusimamia vyombo vinavyotoa haki kama baraza la ardhi  kwani hayatendi haki .