Fatuma Ngozi Aibuka Kidedea Kwenye Uchaguzi wa Makamu Mwenyekiti

Posted on: September 1st, 2018

FATUMA NGOZI AIBUKA KIDEDEA  UCHAGUZI WA MAKAMU MWENYEKITI KIBAHA DC

Afisa Uchaguzi Wilaya ya Kibaha Bi Grace Msami amemtangaza Mhe. Fatuma Ngozi kuwa makamu  Mwenyekiti wa  Halmashauri  ya kibaha kwenye uchaguzi uliofanyika kwenye baraza la robo ya nne lilifanyika siku ya ijumaa mlandizi. Mhe.Fatuma Ngozi alikuwa Mgombea Pekee wa nafasi hiyo baada ya wagombea wengine wa vyama vya upinzani kujivua uanachama na kujiunga na chama cha mapinduzi.

Sambamba na Uchaguzi wa makamu mwenyekiti pia mwenyekiti wa halmashauri aliteua wajumbe wa kamati mbali mbali zikiwemo kamati ya Huduma za jamii, kamati  ya Fedha,uongozi na mipango, kamati ya uchumi ujenzi na mazingira pamoja na kamati ya ukimwi.

Pamoja na hayo Mkurugenzi Mpya wa Halmashauri Bi Butamo Ndalahwa alijitambulisha kwenye baraza hilo na kuahidi kushirikiana na madiwani na watendaji kwa ujumla ili kuleta maendeleo kwenye halmashauri ya kibaha.

Butamo pia ameipongeza Halmashauri kwa kushika nafasi ya kwanza kwenye kukusanya mapato na kuomba ushirikiano ili kibaha dc iendelee kushika nafasi hiyo . Kwa upande wake amesema ameshakaa na timu ya mapato na kujiwekea mikakati ya kukusanya mapato.

Akifunga baraza hilo Mwenyekiti wa halmashauri Mhe. Kisebengo amewataka watendaji kusimamia ukusanyaji  wa mapato ipasavyo.