ELIMU YA LISHE JUU YA USINDIKAJI WA BIDHAA ZA VYAKULA YATOLEWA KIBAHA DC.

Posted on: March 23rd, 2025

Halmashauri ya wilaya ya Kibaha Leo 27,Machi 2025. imetole elimu ya Lishe juu ya bidhaa za vyakula kwa Wajasiriamali na kwa watu wenye ulemavu wa kata ya Janga.

Evelyn Ngwila Mkuu wa Idara ya Kilimo, mifugo na uvuvi wa halmashauri ya wilaya ya Kibaha amewataka wajasiriamali kutumia mbinu salama ya Usindikaji wa vyakula ili kulinda na kuimarisha Afya za walaji.

Akizungumza Kwenye mafunzo hayo ameelekeza zaidi namna ya Usindikaji wa mboga mboga na matunda, kwa maneno na vitendo kwa kutumia kifaa maalumu cha kusindikia vyakula ambacho kimerahisisha zoezi la Usindikaji wa  vyakula.

Nae Afisa Lishe Coletha Chapile ametoa wito kwa Wajasiriamali wanao jishughulisha na bidhaa za vyakula kuzingatia hali ya usafi wa vyombo na mazingira katika maandalizi ya bidhaa zao ili kulinda Afya za wateja wa bidhaa hizo.

Vilevile Johanes Katunzi Afisa biashara alipata fursa ya kutoa ushauri kwa Wajasiriamali  kuhakikisha kuwa bidhaa zote zinakua na ubora,zinafungwa katika vifungashio sahihi ili kukuza masoko  ndani na nje ya mipaka ya nchi.

Pia alisisitiza wafanyabiashara kuwa na Leseni ya biashara nakufuta kanuni na sheria za umiliki wa biashara ili kufanya biashara kwa uhuru.

Zuhura juma moja ya wajasiliamali amepongeza wataalamu wote wa halmashauri ya wilaya ya Kibaha kwakutoa elimu hiyo kwani imewapa mbinu mpya za utunzaji wa vyakula na itapunguza utupaji pamoja uozeshaji wa vyakula majumbani.

 Hivyo mafunzo hayo yalihitimishwa na Afisa maendeleo ya jamii Pudenciana Domel Kwa kuwatia moyo wajasiriamali wote hasa wenye ulemavu kutokata tamaa na kufanya kazi kwabii kwani Serikali itazidi kuwapa mikopo rahisi ya asilimia Kumi(10%)  isiyo na riba ili kukuza biashara zao.