Dc Kibaha Atupilia Mbali Madai ya kumvua Madaraka Mwenyekiti wa Kijiji Dutumi

Posted on: September 13th, 2018

DC KIBAHA ATUPILIA MBALI MADAI YA KUMVUA MADARAKA MWENYEKITI  WA KIJIJI DUTUMI

Mkuu wa Wilaya ya Kibaha Mhe.Yasumpta Mshana ametupilia mbali madai ya baadhi ya wajumbe wa kijiji cha Dutumi   yaliyokuwa  yanamtaka wenyekiti wa kijiji hicho avuliwe madaraka kwa madai ya ubadhilifu wa fedha za kijiji na kutokuitisha mkutano wa wananchi wa kuwasomea mapato na matumizi ya  kijiji.

Akiongea na wananchi wa Kijiji cha Dutumia Dc amewaambia wananchi kuwa madai hayo hayana mashiko kwani alituma timu ya ukaguzi na kugundua kuwa  madai hayo  hayana ukweli  na yamekaa kimajungu zaidi na kwamba hawezi kushughulikia malalamiko yasiyokuwa na ushahidi hivyo kuwataka wanaolalamika kuleta madai yao upya yakiwa na ushahidi wa kutosha .

"Leteni malalamiko yenye vielelezo, nipo tayari kurudi  tena ,tuhuma  zisizo na vielelezo haziwezi kuwa na mashiko sana sana ni majungu na mimi siwezi kufanyia kazi majungu " alisema Dc  Yasumpta.

Hata hivyo Dc aliwauliza wananchi wa kijiji cha Dutumi kama wanamtaka mwenyekiti au avuliwe madaraka wananchi wote walipiga kura za kutaka mwenyekiti aendelee na majukumu yake.

wakiongea baada ya mkutano huo wananchi wakijiji cha Dutumi  wamesema mwenyekiti wa kijiji hicho Mhe. Mkali Kanusu sio mwizi na wala mbadhirifu wa mali za umma ila amewasaidia sana kuleta maendeleo kwenye kijiji chao na kusimamia vizuri mapato ya kijiji hadi wananchi wote wakawa wanalipiwa CHF hivyo madai juu yake ni majungu na chuki binafsi.

Mkuu wa Wilaya ya Kibaha pamoja na kamati ya ulinzi na usalama walifanya ziara kwenye kijiji cha Dutumi  yenye lengo la kwenda kusikiliza malalamiko juu mwenyekiti wa kijiji hicho. Dc alipokea malalamiko hayo ofisini kwake na kutuma timu ya ukaguzi iliyofanya kazi ya kukagua madai yote na kumletea ripoti  ambayo aliitumia kutoa maamuzi.

dC