Camfed Yatoa Msaada wa Vifaa vya Tsh 52,000,000 kwa Wasichana wa Kibaha

Posted on: October 19th, 2018

Camfed  Yatoa Msaada wa Vifaa vya Tsh 52,000,000 kwa Wasichana wa Kibaha

Camfed Tanzania wametoa msaada wa vifaa vyenye jumla ya tsh 52,000,000/= kwa wasichana waliowahi kupata ufadhili wa masomo lakini hawakuweza kuendelea na masomo ya elimu ya juu.

Akiongea wakati wa hafla fupi ya kugawa vifaa hivyo iliyofanyika kwenye ukumbi wa Mama Ndesi Mlandizi kaimu mkuu wa Wilaya ya kibaha Bi Roina Ilomo aliwataka mabinti hao kwenda kutumia vifaa hivyo kuwaletea maendeleo na wasiende kudanganywa na wanaume nakushindwa kutimiza malengo yao.

Ilomo aliwatia moyo mabinti hao kuwa kufeli masomo sio kufeli maisha kwa hiyo wakajitume kwa bidii kwa kutumia vitendea kazi na ujuzi waliopewa   ili waweze  kujikwamua kiuchumi pia aliwaasa wasiwe wabinafsi wakawasidie na wengine wenye uhitaji.

pamoja na hayo, mratibu wa Camfed mkoa wa Pwani bi Latifa Sabuni amesema camfed wanatekeleza miradi mbali mbali ikiwemo mradi wa kusomesha wanafunzi wanaotoka kwenye mazingira hatarishi  na kwa halmashauri ya kibaha jumla ya wanafunzi 306 wanapata ufadhili huo kwa jumla ya mil 68,475,600. wanafunzi hao wanaosoma kidato cha tatu na cha nne katika shule za Dosa Azizi,Kilangalanga ,Kwala, Magindu,Ruvu Station,Miande,na Rafsanjani

vifaa vilivyogawiwa ni pamoja na kompyuta mashine ya kutolea photokopi ,vyerehani,meza za kukatia nguo,viti pamoja na mikasi

akiongea baada ya kupokea vifaa hivyo mmoja wa wasichana hao Shamia Akobo kutoka Soga ameishukuru Camfed kwa kumsomesha tangu form two hadi alipohitimu form four mwaka 2013 na sasa wamewapatia mafunzo pamoja na vifaa vya kuanzia.

Naye Sikuzani Yusuph ameishukuru Camfed kwa kumsomesha kuanzia form one hadi form four na anapata mkopo wa kiva unaomsaidia kufanya biashara yake ya kuuza korosho binti huyo amesema camfed kwake ni mkombozi

Camfedi ilianza kufanya kazi Mkoa wa Pwani mwaka 2007 kwa kutoa ufadhili kwa wanafunzi wanaotoka kwenye mazingira magumu wanaosoma shule za sekondari na kwa sasa wanatoa ufadhili kwa walioshindwa kuendelea na masomo.